Feetjies

Een aand tydens n braaivleis kuier, kom ons Lisa kleinkind, uit die bloute met die vraag:” Ouma het jy feetjies in jou tuin?”. Eerstens dink ek aan n vriendin wat eendag vir my gese het ek het n feetjie-tuin. Net daar sit ek my voet in my mond en se ewe: “Ja ek het en op n volmaannag dans hulle op die gras.

Nou ja so n antwoord het reperkussies. Sien ons Lisa het n fenominale geheue.

Op n dag later het daar paddastoele opgekom op my grasperk en vertel ek vir Lisa dat die feetjies sit op die paddastoele en dans in n kring daar om.

Nou ja, een aand oppad na ouma vir kuier, se mamma met groot vreugde: “Lisa kyk dis volmaan”. Lisa is dadelik vol entosiasme want vanaand is die aand dat die feetjies op ouma se gras gaan dans.

Met hul aankoms word vinnig in my oor gefluister deur mamma dat Lisa weet dis volmaan en wil feetjies sien. Gelukkig vir my was dit n koue nat aand en kon ek vir haar se dat feetjies nie in die reen uit kom nie, want hulle vlerkies is te fyn vir swaar reendruppels. Sjoe, so red die reen my.

Ons het al na daardie aand baie gesprekke en verhale deur leef, van ouma se feetjies in haar tuin.

Lisa sit met piering oe en droom oor hulle. Is dit nie fenominaal hoe kinders se kinderlike verbeelding so iets kan aangryp en in hulle koppies kan beleef.

Nou ja julle, ek besef iewers op n dag sal die besef kom dat dit net n droom was, maar tot dan dans feetjies op ouma se gras as dit volmaan is.

In vir n ding

So deel ek n ou hekelpatroontjie op facebook, waarna n vriendin uit verre George antwoord, waarin sy haar begeerte uitspreek om te leer hekel. Ek antwoord kom kuier dan leer ek jou.

Net daar stuur ek n ding die kuber ruimte in, wat nou perporsioneel groei.

n Kennis hier naby lees my antwoord en vra sal ek haar en n paar mense kom leer hekel. So dink ek ag, dis een van daardie vrae wat sal verdwyn in die kuber ruim as net n begeerte wat tot niks sal kom nie of dit sal net sy wees.

Vanoggend sien ek oe sy het dit op faceboek geplaas en n ope uitnodiging gerig. Die reaksie😱😨……

Nou besef ek sussie jy is in vir n ding, ek wat nie die mens met die meeste selfvertroue in myself en my vermoe het nie gaan nou moet klas gee in hekel. Ek self is maar n amateur wat so op my sigselwers aan ploeter. Nie eers altyd seker of ek reg doen volgens die hekel bybel nie.

Eintlik lag ek so bietjie vir myself, so met n effense benoudheid in my.

Ek het defnitief nie tred gehou met die erns van die vraag nie. Nou ja vriende in blogwereld, ek gaan nou klas gee in hekel. Hoop nie dis met katastrofiese perporsies nie.

Death race

N byna slapelose nag, aangesien ons nag Kanada se dag is. Soos julle kan sien op die tyd by die foto is dit hoe lank ons, ons seun gevolg het op die “tracker”, terwyl hy gehardloop het. n Spesie van sy eie, ek weet.

Sy derde jaar dat hy hierdie trail wedloop hardloop. Hulle begin by Grand Cache in die Rocky’s en hardloop oor berge en dale, in n klein voetpaadjie met n rugsakkie op die rug, met water en ander noodsaaklikhede. Dan is dit jy en die natuur. Geen waterpunte en luukses nie. Daar is wel so drie plekke tydens die wedloop waar jou ondersteuningsspan (sy vrou en dogtertjie) by kan kom, met kos ens.

 

Race Overview

The Canadian Death Race takes place every August Long Weekend in Grande Cache, Alberta, Canada. This year, Adult Race Day is Aug 5, 2017.

Since the start of the millennium, elite racers have come to the Canadian Rockies to cheat Death in one of the world’s toughest adventure races. The 125 km course begins and ends on a 4200-foot plateau, passes over three mountain summits, and not only includes over 17,000 feet of elevation change but a major river crossing at the spectacular Hell’s Gate canyon (at the confluence of the Smoky and Sulphur Rivers). This Ultramarathon distance can be tackled Solo or in Relay teams of up to five (for the 5 legs). The first two legs can also be run as one of the world’s toughest marathons. Each year, extreme athletes, push themselves to the limits of their endurance against the breathtaking background of the Canadian Rocky Mountains. Well-trained and totally committed, they battle heat, cold, altitude, and themselves. Finishing is the prize and the bragging rights are priceless….CHECK OUT THE TRAILER.

Start them young! We also host a 5km Kids Race – August 6th, 2017

(Bietjie later hardloop ons sewejarige kleindogter die 5km)

Verlede jaar het hy 2 weke voor die death race ook die fat dog gehardloop wat 197km ver was. Dit geskied op die grens tussen Amerika en Kanada. Dis nou n ander klas. Hy het sowat 42ure gehardloop. Baie gevaarlik. Ons was verstom toe hy wel by sy besluit hou om die death race ook te hardloop.

In die nag hardloop jy letterlik in die lig van jou koplampie. Boonop is dit “bear country”.

Ons is baie trots op hierdie dapper hardlopende seun van ons.

Lyk ook klein Lielie gaan in sy voetspore volg.

Voorbereiding….

Die voorbereiding is ontsettend belangrik en hierin is sy vrou n wenner. Sy is die wetenskaplike en baie metodies. Sonder haar sou hy dit nooit kon doen nie. Ek saluut haar.

Laaste boodskap van hulle was:”done and done, we are going to bed now”

Moes net gou hierdie fotos byvoeg. Sy het tweede gekom in dogters onder nege en kleiner (sy is sewe).